Göngumessa 9. júní – Gleðisveitin spilar.

Næsta sunnudag, 9. júní er fyrsta gönguguðsþjónusta sumarsins hjá söfnuðunum í Breiðholti.

Gengið verður frá Fella- og Hólakirkju kl. 10:00 til guðsþjónustu í Breiðholtskirkju kl. 11:00.

Sr. Pétur Ragnhildarson þjónar fyrir altari og prédikar.

Gleðisveitin sívinsæla með Perlu Magnúsdóttur í forsvari leiðir safnaðarsönginn og flytur tónlistaratriði. Gleðisveitin skemmti á samveru í eldri borgarastarfinu á miðvikudögum fyrr í vor og sló í gegn enda alltaf mikil gleði og stuð þar sem sveitin kemur fram. Eftir stundina verður boðið upp á messukaffi.

Gönguguðsþjónusturnar í Breiðholti eru orðnar að áralangri hefð. Þetta eru góðar og uppbyggilegar stundir og hvetjum við Breiðhyltinga nær og fjær til að taka þátt. Þau sem treysta sér ekki í gönguna geta mætt beint í guðsþjónustuna.

16. júní er gengið frá Breiðholtskirkju að Seljakirkju.

23. júní er gengið frá Seljakirkju að Fella- og Hólakirkju.

30. júní er gengið frá Breiðholtskirkju að Seljakirkju.

7. júlí er gengið frá Seljakirkju að Fella- og Hólakirkju.